Plantun de Prouvènço

Pèr coumpara dos planto d'encò nostre

Bunium bulbocastanum & Seseli tortuosum

Bizoc

Bunium bulbocastanum

Apiaceae Umbelliferae

Àutri noum : Aglan-de-terro, Pissagou, Babarouoto, Castagnolo.

Noms en français : Noix-de-terre, Terre-noix.

Descripcioun :
Lou bizoc trachis dins li tepiero roucaiouso pulèu de Prouvènço dóu levant. Lis enflourejado en brout se recounèisson i noumbróusi bratèio (5 à 10) is oumbello (de 8 à 20 rai) e oumbellulo. I'a dos meno de fueio (fotò). Fai uno cabosso de 1 à 2 cm de diamètre. En Alouos se dis di pichòti poumo-de-terro :"A pas proun plóugu, li a que de bizoc aquest an" (in J.-L. Domenge, EbV, op.cit.). Coumpara emé l'agland-de-terro que ié sèmblo proun.

Usanço :
"A la primo, se manjavo la rabo de la babarouoto cruò" (in J.-L. Domenge, LMT, op.cit. p. 60). Li grano soun acampado coume de cumin e li fueio podon remplaça lou juvert.

Port : Erbo
Taio : 0,2 à 0,6 m
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Bunium
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) enflourejado : 40 à 50 mm
Flourido : Printèms - Estiéu

Sòu : Ca
Autour basso e auto : 0 à 2300 m
Aparado : Noun
Mai à juliet

Liò : Tepiero roucaiouso - Esboudèu - Champ
Estànci : Mesoumediterran à Subaupen
Couroulougi : Éuropo-Ouèst
Ref. sc. : Bunium bulbocastanum L., 1753

Fenoui-de-Marsèio

Seseli tortuosum

Apiaceae Umbelliferae

Àutri noum : Fenoun-de-Marsiho, Grand-juvert.

Noms en français : Séséli tortueux, Séséli de Marseille.

Descripcioun :
Lou fenoui-de-Marsèio flouris à la fin de l'estiéu dins li relarg secarous, roucaious e bèn ensouleia. Au contro dóu fenoui, si flour soun blanco. Se destrìo dis àutri Seseli e se recounèis à si cambo en zigue-zague que dounon d'èr à-n-un pichot bouissoun.

Usanço :
Li grano fasien partido de la "teriaco", contro-pouisoun adouba pèr lis abouticàri rouman, de la farmacoupèio maritimo au siècle XVIIIen. Lis estùdi d'aro mostron d'efèt interessant contro li champignoun de la pèu.